နေပြည်တော်၊ ဇန်နဝါရီ ၁၆

တရားသူကြီးများ၊ တရားရေးဝန်ထမ်းများအနေဖြင့် AI နည်းပညာကို ပိုမိုသိရှိစေရန် ရည်ရွယ်၍ “The Future of Judiciary in an AI-Driven World” ခေါင်းစဉ်ဖြင့် စကားဝိုင်းဆွေးနွေးပွဲကို ပြည်ထောင်စုတရားလွှတ်တော်ချုပ်ရုံး၊ e-Government ဌာနက ဦးဆောင်၍ ၂၀၂၆ ခုနှစ်၊ ဇန်နဝါရီလ ၁၆ ရက် နံနက် ၀၉:၀၀ နာရီတွင် ပြည်ထောင်စုတရားလွှတ်တော်ချုပ် အစည်းအဝေးခန်းမ၌ Video Conference စနစ်ဖြင့် ကျင်းပပြုလုပ်ရာ ညွှန်ကြားရေးမှူးချုပ် ဦးဇော်မင်းအောင် တက်ရောက်၍ အဖွင့်အမှာစကားပြောကြားသည်။

ဆွေးနွေးပွဲတွင် ပြည်ထောင်စုတရားလွှတ်‌တော်ချုပ်ရုံး ၊ e-Government  ဌာန ဒုတိယညွှန်ကြားရေးမှူး ဒေါ်ဆုဝေလဲ့က Moderator အဖြစ်ဆောင်ရွက်ခဲ့ပြီး Panelist များ ဖြစ်ကြသည့် ဦးကိုကိုလွင် (ညွှန်ကြားရေးမှူး၊ e-Government  ဌာန) ၊ ‌‌ဒေါက်တာမိမိငယ် (Managing Director, Realistic Infotech Group Co., Ltd) ၊ ဒေါ်ပန်းအိဖြူ (တွဲဖက်အထွေထွေ အတွင်းရေးမှူး၊ မြန်မာနိုင်ငံကွန်ပျူတာအသင်းချုပ်) နှင့် ဦးဌေးလင်း (နည်းပညာအကြံ‌ပေး၊ ရန်ကုန်တိုင်းဒေသကြီးအစိုးရအဖွဲ့) တို့က AI ခေတ်၏ အနာဂတ်တရားစီရင်ရေး အခန်းကဏ္ဍ ၊ AI နည်းပညာအတွက် တိကျခိုင်မာသည့်မူဘောင်များ သတ်မှတ်နိုင်ရေး၊ AI နည်းပညာ၏ အခွင့်အလမ်းနှင့်စိန်ခေါ်မှုများ၊ နိုင်ငံတကာ၏ တရားစီရင်ရေးတွင် AI နည်းပညာအသုံးပြုမှု စသည့်ခေါင်းစဥ်များနှင့်စပ်လျဉ်း၍ အသီးသီးဆွေးနွေးခဲ့ကြပြီး တက်‌‌ရောက်လာသူများက သိရှိလိုသည်များ မေးမြန်းကြသည်။

အဆိုပါနည်းပညာစကားဝိုင်းဆွေးနွေးပွဲသို့ ပြည်ထောင်စုတရားလွှတ်တော်ချုပ်နှင့် တိုင်းဒေသကြီး/ပြည်နယ်တရားလွှတ်တော်များမှ တရားရေးအရာရှိများ၊ တရားသူကြီးများနှင့် တရားရုံးဝန်ထမ်းများ စုစုပေါင်း (၁၀၆၈) ဦးတက်ရောက်ကြသည်။