နေပြည်တော်၊ ဖေဖော်ဝါရီ ၆

ပြည်ထောင်စုတရားလွှတ်တော်ချုပ်တွင် တာဝန်ထမ်းဆောင်လျက်ရှိသော တရားရေးအရာရှိများနှင့် စာရေးဝန်ထမ်းများအတွက် ကွန်ပျူတာကျွမ်းကျင်မှုဆိုင်ရာ အရည်အချင်းမြှင့်တင်ရန် ရည်ရွယ်လျက် Microsoft Office Word အသုံးပြုနည်းသင်တန်း အမှတ်စဉ် (၁/၂၀၂၃) သင်တန်းဖွင့်ပွဲအခမ်းအနားကို ယနေ့နေ့လည် (၁) နာရီ အချိန်တွင် ပြည်ထောင်စုတရားလွှတ်တော်ချုပ်ရုံး၊ ကွန်ပျူတာသင်တန်းခန်းမတွင် ကျင်းပပြုလုပ်ခဲ့သည်။

အခမ်းအနားသို့ ပြည်ထောင်စုတရားလွှတ်တော်ချုပ်ရုံး၊  ညွှန်ကြားရေးမှူးချုပ် ဦးဇော်မင်းအောင် တက်ရောက်၍ အမှာစကားပြောကြားခဲ့ပြီး   ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ သင်တန်းနည်းပြဆရာ/ဆရာမများနှင့် သင်တန်းသား/သင်တန်းသူများတက်ရောက်ခဲ့ကြသည်။ သင်တန်းကို (၆-၂-၂၀၂၃) ရက်မှ (၃၁-၃-၂၀၂၃) ထိ (၂) လကြာ ဖွင့်လှစ်သွားမည်ဖြစ်ပြီး ကွန်ပျူတာဖြင့် ရုံးစာရေးသားရာတွင် စနစ်တကျအသုံးပြုနိုင်စေရန်အတွက် Microsoft Office Word ဘာသာရပ်ကို အထူးပြုသင်ကြား ပို့ချပေးသွားမည်ဖြစ်သည်။