ဦးဆောင်မှုနှင့် စီမံခန့်ခွဲမှုအသွင်ပြောင်းလဲခြင်း အလုပ်ရုံဆွေးနွေးပွဲကျင်းပ

နေပြည်တော် ဒီဇင်ဘာ ၁၁

  ပြည်ထောင်စုတရားလွှတ်တော်ချုပ်နှင့် သြစတြေးလျနိုင်ငံ ဖက်ဒရယ်တရားရုံးတို့ ပူးပေါင်း၍ ကမ္ဘာ့ကုလသမဂ္ဂဖွံ့ဖြိုးမှုအစီအစဉ် (မြန်မာ) ၏ ပံ့ပိုးမှုဖြင့် ကျင်းပသည့် ဦးဆောင်မှုနှင့် စီမံခန့်ခွဲမှုအသွင် ပြောင်းလဲခြင်း အလုပ်ရုံဆွေးနွေးပွဲကို ယနေ့နံနက် (၀၉း၀၀) နာရီတွင် နေပြည်တော် ၊ PARKROYAL Hotel၌ စတင်ကျင်းပပါသည်။

         

 အဆိုပါအလုပ်ရုံဆွေးနွေးပွဲသို့ ပြည်ထောင်စုတရားလွှတ်တော်ချုပ်မှ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ တိုင်းဒေသကြီး/ ပြည်နယ်တရားလွှတ်တော်များမှ တရားရေးဦးစီးမှူးများ၊ ဒုတိယ ညွှန်ကြားရေးမှူး နှင့် ခရိုင်တရားသူကြီး စုစုပေါင်း (၂၄) ဦးတက်ရောက်ကြသည်။

         

 အလုပ်ရုံဆွေးနွေးပွဲကို မြန်မာနိုင်ငံ၏ တရားစီရင်ရေးဆိုင်ရာ ပြုပြင်ပြောင်းလဲရေး လုပ်ငန်းစဉ်များတွင် ဦးဆောင်သူများ၏ အရည်အသွေးမြှင့်တင်ရန် ရည်ရွယ်၍  ပြည်ထောင်စုတရားလွှတ်တော်ချုပ် နှင့် သြစတြေးလျနိုင်ငံ ဖက်ဒရယ်တရားရုံးတို့၏ တရားစီရင်ရေး ပူးပေါင်းဆောင်ရွက်ရေးဆိုင်ရာ နားလည်မှု စာချွန်လွှာအရ ကျင်းပခြင်းဖြစ်ပါသည်။

 အလုပ်ရုံဆွေးနွေးပွဲတွင် သြစတြေးလျနိုင်ငံ ဖက်ဒရယ်တရားရုံး၏ အမှုဆောင်အရာရှိချုပ်နှင့် မှတ်ပုံတင်အရာရှိချုပ်ဖြစ်သူ Mr. Warwick Soden က ၂၀၁၆ ခုနှစ်၊ နိုဝင်ဘာလ ၂၈ ရက်နေ့မှ ၃၀ ရက်နေ့အထိ ကျင်းပခဲ့သော ဦးဆောင်မှုနှင့်စီမံခန့်ခွဲမှုအသွင်ပြောင်းလဲခြင်း အလုပ်ရုံဆွေးနွေးပွဲတွင် ဖော်ထုတ်ခဲ့သည့် တရားစီရင်ရေးဆိုင်ရာ စိန်ခေါ်မှုများကို လက်တွေ့တွင် ဖြေရှင်းဆောင်ရွက်ရာ၌ တိုးတက်မှုများ၊ ကြုံတွေ့ရသော အခက်အခဲများနှင့် အဆိုပါအခက်အခဲများကို ကျော်လွှားနိုင်မည့် အကြံဥာဏ်များကို ဆက်လက်ဆွေးနွေးတင်ပြသွားမည်ဖြစ်ပါသည်။

         

 အလုပ်ရုံဆွေးနွေးပွဲကို ဒီဇင်ဘာ ၁၁ ရက်နေ့မှ ၁၃ ရက်နေ့အထိ သုံးရက်တာကျင်းပသွားမည်ဖြစ်ကြောင်း သတင်းရရှိပါသည်။

Myanmar

Category: